Nasakote ang walong miyembro ng New People’s Army (NPA) sa isang checkpoint operation ng militar at pulisya bandang 1:40 ng madaling-araw noong Hunyo 14, 2025 sa Barangay Bunawan Brook, Bunawan, Agusan del Sur.
Napag-alaman na sakay ng isang puting commuter van ang mga suspek na kinilala sina alias “Laloy”, “Tonton”, “Jomilyn”, at “Nikki/Nikol” na may standing warrant of arrest na inilabas ng Regional Trial Court Branch 46 ng Malaybalay City, Bukidnon kaugnay ng Criminal Case No. 38116-22, na may piyansang ₱100,000 bawat isa.
Nahuli rin ang apat na kasamahan na sina alias “Gideon/Rey/Papan”, “Ron Ron”, “Pam/Tugas” (na may warrant para sa kasong Attempted Murder), at alias “Jelin”.
Nasamsam mula sa mga suspek ang apat na improvised explosive devices (IEDs), apat na granada, isang caliber .45 na baril, at perang nagkakahalag ng Php11,000.00.
“This successful arrest delivers a decisive blow to the Communist Terrorist Group’s operations. It underscores our strong resolve to carry forward our mission anchored on upholding the rule of law and respecting human rights in line with the order of Chief PNP, PGen Nicolas Torre III,” pahayag ni Police Brigadier General Christopher N Abrahano, Regional Director ng Police Regional Office 13.
