Isinagawa ang kauna-unahang Game Jam Competition sa lungsod ng Zamboanga para isulong ang industriya ng game development sa naturang lungsod noong Oktubre 8,2025.
Ang nasabing kompetisyon ay isa sa mga aktibidad ng Arte Vida Creative Expo ng Department of Trade and Industry – Zamboanga City Office (DTI-ZCO) ngayong Philippine Creative Industries Month.
Ayon kay Jouie Tamse ng Zamboanga Indie Game Developers Club (ZIGDC) at Council for Game Development ng Zamboanga City, layunin ng aktibidad na mahasa ang talento ng mga programmer at local artists ng lungsod.
Ang Game Development ay nasa ilalim ng Digital Interactive Domain, na isa sa siyam na ‘creative domains’ batay sa Republic Act 11904 o ang Creative Industries Act.
